Казан кинофестиваленең "Яшьләр киносында ислам дөньясы" конкурстан тыш программасы

4 сентябрьдән 8 сентябрьгә кадәр XXII Казан халыкара кинофестивалендә тамашачылар иң яхшы дөнья фильмнарын берьюлы ике мәйданчыкта күрә ала: "Корстон" кинотеатры залларында һәм "Мир" кинотеатрында, анда оештыручылар берьюлы конкурстан тыш берничә программа әзерләделәр һәм аларның берсе - "Яшьләр киносында ислам дөньясы".

Хәзерге кинофестивальгә 67 илдән 1030 гариза бирелгән. Һәм кыска метражлы уен фильмнары 495 картина белән төп лидерлыкта тора. Фестивальнең программа директоры Нина Кочеляева әйтүенчә, яшь авторлар нәкъ менә зур булмаган бюджетларны таләп итүче кыска метражлы тасмалар төшерүне өстен күрә. Шул ук вакытта, "Алтын минбар"га үз эшләрен җибәргән заманча яшь кинематографистлар бик профессиональ, искиткеч һәм тирән мәгънәле кино булдыра алдылар.

Казан ислам дөньясының мәдәни башкаласы дигән статусы исәпкә алынып 14 фильмнан торган "Яшьләр киносында ислам дөньясы" конкурстан тыш программасы төзелде. Тамашачылар яшь кинематографистларны нинди проблемалар борчый, алар өчен нинди яшәү кыйммәтләре актуаль, үз тормышларын нинди ориентирлар белән төзиләр, бүгенге көн һәм киләчәкне ничек күүаллаулары турында иң яхшы фильмнар белән таныша алачаклар.

Оман Солтанлыгының яшь кинематографы бу программада Якуб Мәхфуд Әлханҗарины "Ялкынлы җаннар" («Пылающие души») фильмы белән тәкъдим итәчәк. Бу - яхшылык белән явызлык, шәхси кичерешләр һәм шәфкатьлелек бәйләнгән күңелгә үтеп керүче хикәя. Ахыр чиктә тормышның төп геройына төшкән авырлыклар һәм гаделсез сынаулар белән тулы тормыш турындагы тарих.

"Саубул, минем күгәрченем" («Прощай, моя голубка») фильмында Вьетнам режиссеры Феликс Бах эвакуация сәбәпле йөзләгән гаилә бер-берсен югалткан Төньяк Вьетнам сугышы темасына мөрәҗәгать итә. Аның картинасы герое Лок сеңлесе белән Ханойга кире качу һәм гаиләсе белән берләшү өчен кулдан килгәннең барысын эшли.

Ә Ираннан килгән Газал Зогиния үзенең "Нармук" картинасында Малалай дигән кыз турында сөйли, ул балачакта малай кебек киенгән. Олыгайганнан саен ул стереотип рәвештәге хатын-кыз ролен башкаруга кире килергә тиеш. Әмма нәфис тукымалар һәм макияж урынына ул үз язмышын үзе билгеләргә теләп ирек һәм хокук эзли.

Башка - әхлакый яктан сайлау алдында торган чечен режиссеры Рәсүл Курумовның "Үч алу тәме" («Вкус мести») картинасы герое. Бу фильм кеше хисләренең катлаулы дөньясы турында. Сюжет тамашачыны һәр карарның үз нәтиҗәләре булган дөньяга этәрә, ә үч алу омтылышы кеше язмышында хәлиткеч фактор булырга мөмкин.

Гаилә мөнәсәбәтләре Кыргызстаннан килгән режиссер Айнуска Асанбекованы да борчый. Аның "Әти кызы" («Дочь отца») кыска метражлы фильмында герой аерылышканнан соң озак еллар бергә булмаган, ләкин балачакта бик якын булган әтисе белән мөнәсәбәтләрен торгызырга тели. Башка мөнәсәбәтләр Реза Дагаганың "Бик ерак, бик якын" («Слишком далеко, слишком близко») Иран фильмы геройларында чагыла. Автомобиль белән кыска сәяхәт вакытында улының әтисенә көтелмәгән яңалыклар сөйләргә туры киләчәк. Ләкин күптәнге каршылыклар һәм яшерен хатирәләр мәхәббәт һәм намуслы хисләр белән бүлешү мөмкин булмаган мизгел булып тора.

Үзбәк режиссеры Элдор Кудратиллаевның "Ярат мине" («Люби меня») фильмында Додбой исемле авыл егете экран гүзәлләре турында хыяллана. Матур таныш булмаган кеше пәйда булгач, ул якындагы кызын онытып башын югалта. Картина фантазияләр һәм чын хисләр каршылыгын күрсәтә.

Башкортстан режиссеры Руслан Юлтаев үзенең "Тегелгән бөти" («Сшитый амулет») фильмында оныгын хәрби хезмәткә җибәрергә теләмәгән һәм аның нәсел бөтиен алган әби турында сөйли. Хатасын аңлап, ул гуманитар ярдәм белән саклау бөтие җибәрергә тырыша, бу бер дә җиңел эш түгел. "Туйвеж" IX фин-угор халыклары кинофестивалендә картина жюри тарафыннан "Ватанны саклаучы елына иң яхшы фильм" дип танылды.

Шулай ук "Алтын минбар" кинофестиваленең "Яшьләр киносында ислам дөньясы" программасына Татарстаннан Дилә Сөләйманованың "Сафьян читекләре" («Сафьяновые сапоги»), Россия режиссеры Иван Соснинның "Әни" («Мама»), Гыйрактан Мөхәммәт Одех Әл-Хафаҗиның "Игътибар" («Внимание»), Әхмәд Әл-Нассернең (Согуд Гарәбстаны) "Катафалк" фильмнары, Әмир Голаминың (Иран - Гыйрак) "Мандарин агачы астындагы шәһәр" («Город под мандариновым деревом») һәм Һюмам Озкарның дебют тасмасы төрек фильмы - "Тормыш дәвам итә" («Жизнь продолжается») керде.

"Алтын мибар" кинофестиваленең конкурстан тыш программалары 2026 елның 4-8 сентябрендә "Мир" кинотеатрында узачак. Кино күрсәтү расписаниесе сайтларда булачак: https://kazan-mfmk.com/ и https://kinoteatr-mir.ru/