"Алтын минбар" XXII Казан халыкара кинофестиваленең "Россия - Ислам дөньясы" программасы

"Алтын минбар" XXII Казан халыкара кинофестивале Россия Федерациясе Мәдәният министрлыгы хуплаган кинопроектлар исемлегенә керә һәм Татарстан Республикасы Рәисе Рөстәм Миңнеханов ярдәме белән уза, "Казан - ислам дөньясының мәдәни башкаласы 2026" статусын раслый.

 2017 елдан башлап "Россия - Ислам дөньясы" стратегик күзаллау төркеме белән партнерлык фестивальне үстерүдә төп роль уйный. Бу төркем Ислам хезмәттәшлеге оешмасы илләрендә ясалган картиналарга приз бирә.

 Соңгы ике кинофестивальдә 2024 һәм 2025 елларда ике фильм режиссерлары "Ислам дөньясында мәдәниятләр диалогы өчен" премиясенә лаек булдылар. XXI кинофестивальдә режиссерлар Иман Яздиның "Барысы да Раана өчен" (Иран) һәм Мозаффархон Эркиновның "Мәхтумколый Фирогий" (Үзбәкстан - Төркмәнстан) картиналары призлар алды.

 XXII Казан кинофестивалендә "Россия - Ислам дөньясы" программасы кысаларында Иран, Оман, Үзбәкстан, Марокко, Һиндстан, Гыйрактан 10 фильм, шулай ук Таҗикстан һәм Иранның уртак җитештерүендәге картиналары тәкъдим ителәчәк; шулай ук үзара бергәлектә җитештерелгән Тунис, Франция һәм Катар; Бангладеш һәм Австралия картиналары да була. Бу программада Россия кинематографиясен Станислав Сапачевның «Переговорщик «Операция Дамаск» ("Дамаск операциясе" сөйләшүчесе") фильмы тәкъдим итәчәк.